Do lernt ja a Goaß no s´lacha, wenn´s den Witz vom Schäuble Wolfe über de Steiererleicherung für Familien hört! Zwoa Euro mehra Kindergeld im Monat. Offensichtlich sitzt der oberste "Comedian" der CDU im Bundestag, der Wolfgang Schäuble. Mei liaba, do werd´s nix mit´m Stimmenfang für de CDU im kommenden Jahr´! Der Grundfreibetrag für de Steierzahler is ja alloa scho a Witz, Herr Schäuble. Es is ja der beste Witz 2016!
Da lacht sich ja der Seehofer scho an Buckl, nachad erst de AfD. Do kriagt ma ja scho fast an Lachkrampf über de massive Steierleichterung. Ma soid ja a neie Gebührenordnung für Bundestagsabgeordnete erlassn. Für a jede soiche, blädsinnige Idee, g´ghörat dene von ehnan fürstlichen Monatseinkommen schon hundert Euro wegga g´nomma. Vielleicht dadn´s nachad amoi wieda s`Hirn eischoid´n.
Alois Sepp