Liebe Leser der Bürgerredaktion.
Ich möchte Ihnen ein frohes Weihnachtsfest und ein gesundes, gesegnetes Jahr 2013 wünschen. Nachdem ich echter Münchner bin und unsere eigene bayerische Kultur etwas pflegen möchte, will ich Ihnen von unserem Mundartdichter, Turmschreiber und Literaten, Prof. Helmut Zöpfl nachstehend ein Gedicht, ja einen innigen Weihnachtswunsch ans Herz legen. Wenn wir alle auch nur etwas aus diesen Zeilen beherzigen und befolgen, dürfte das kommende Jahr gar nicht so schwierig werden.
Auf Weihnachten wieder an Weihnachten denka
Wia waars, wenn ma heuer beim Feiern und Schenka
auf Weihnachtn wieder an Weihnachtn denka?
In Gedankn a wengerl nach Bethlehem genga,
eihaltn, a bisserl, im Hetzn und Renna,
a bisserl mehr weihnachtlich aa da drinna
uns dankbar auf d´selbige Heilsnacht b´sinna?
Net oiwei bloß d´Händ aufhaltn,
von Empfänger öfter auf Absender schaltn,
a bisserl mehra gebn und a bisserl mehra teiln,
de andern beim Tragn helfa bisweiln.
Net bloß vom Guatn und Schöna redn,
sondern aa danach handln und aa danach leben.
Wach sei und auf de Gelegenheit paßn,
und net alle viere bloß grad sei laßn.
Genau wia d´Hirtn vom Schlafa aufwacha
und bal oana oklopft, de Tür eham aufmacha.
Wos Not duad, a Liacht im Dunkln ozündn,
as erste guate Wort wieder finden,
a bisserl mehr mitanander aa redn
und net bloß stur sei Meinung vertretn.
Des Redn vom Friedn net so auffaßn,
daß mia bloß selber wolln in Friedn wern g´laßn,
um an Friedn se in der nächstn Näh plagn,
a bös Wort verschlucka und liaber net sagn.
De Zeit net bloß mitm Jammern verliern,
net wehleidig bloß in uns selber neistiern.
Net in allem a Haar in da Suppn drin finden,
de Frohbotschaft fröhlich weiterverkünden.
A bisserl mehra von ihra betroffn,
wieder mehr glauben und wieder mehr hoffn.
Net voller Angst in d´Zukunft schaun:
„Fürchtet euch nicht!“ Mia soin mehr vertraun!
An Blick auf des zuagsagte Heil wieder lenka
und an Weihnachtn wieder an Weihnachtn denka.
Mit besten Grüßen und herzlichem Dank für Ihre bisherige Treue,
Alois Sepp